張兆輝割毒瘡 急報平安
近排拍劇又拍電影的張兆輝，原來早在七月眼部已生瘡，雖然昨晚要出席新片首映，但眼瘡愈變愈大粒，令他不得不趁下午颱風離港，張兆輝於昨日下午約三時半獨自現身中環萬邦行，據知是到眼科中心做手術。
手術近45分鐘
身穿白色T-shirt配牛仔褲、戴黑超的張兆輝，上樓近45分鐘後，在其墨鏡下，左眼蓋上一片大紗布，相信是剛剛做完手術，不過他依然悠閒自得，步出大廈後即與電話中人雞啄唔斷，更一度停在人來人往的路邊專心喪傾，未知是否跟愛妻輝嫂報平安。雖然家中經營美容生意的張兆輝，早前被傳身家超過半億，但他生活依舊平民化，最後他選擇與一眾市民逼港鐵，直接前往中環港鐵站乘車離去。
夜晚照去首映
對此，張兆輝昨日透過電話承認去割眼瘡，他指早在今年七月拍西片《Cyber》時已生瘡，不過當時忙於拍劇未有時間施手術，昨晚更負傷出席《逃出生天3D》片首映。張兆輝又笑言其左眼可謂「多災多難」：「多年前我隻左眼患青光眼，之後又畀人撞傷咗，後來老婆幫我做facial時又插到。」
問傳有逾半億身家的他為何搭港鐵？張兆輝解釋司機放假，並謂：「唔好咁講，我會畀人笑，人哋一百幾十億都冇出聲，呢啲只係帳面上嘅數。」
文：影視組