劉錫賢被迫取消擺酒

亞視藝人劉錫賢與太太陳麗娜連擺兩日酒宴慶祝新婚之喜，豈料撞正颱風天兔，前晚首場喜宴總算順利完成，可惜昨晚懸掛八號風球，劉錫賢被迫取消昨日的喜宴。他接受電話訪問時大表無奈：「本身真係想風雨不改，但今朝已經收到好多電話話掛八號嘅就唔嚟，咁都冇辦法，好彩酒樓都明白。」他又稱會擇日再擺酒，但因工作排得密麻麻，故未能確定日期。