黃麗梅行善堅持派飯
黃麗梅早前自發性派飯給有需要的公公婆婆，昨日颱風襲港下，她依然風雨不改，一早去買餸及到大圍打點。她說：「我都擔心颱風令公公婆婆辛苦，諗過取消派飯，但見天氣未算太壞，有啲公公婆婆又好早到咗場，所以決定繼續派。」她續稱：「因為我冇義工團，所以好多嘢都要一個人去做，我都唔知自己可以堅持到幾耐，不過會盡力而為，做到幾多得幾多。」
近年備受腰患困擾的黃麗梅，日前去公立醫院睇醫生，足足等了三小時，令她痛上加痛。她謂：「醫生經建議我花萬三蚊轉睇私家醫院，但我寧願捐錢畀啲山區小朋友買書包。講真，呢個決定我都有矛盾過，但最後都決定捐出去。」