Paris打碟 蝕底取經
美國名媛Paris Hilton無懼颱風天兔正面吹襲香港，前晚由男友River Viiperi傍實到中環夜場打碟，心情high爆的她更換底底上場兼連環露底。Paris表示會在香港開舖頭，今次打碟搵銀之餘，亦順便探路。
前晚9時許，穿低胸裙加皮褸的Paris Hilton駕白色法拉利抵達中環的夜場，車上還有其好友兼車主黎曉靈，Paris男友River Viiperi就坐另一部車到場。Paris曾在公路上停車給記者拍照，但被後面的車響號催促。Paris落車時按住裙邊，但仍不慎露黑底。
換內褲再戰
Paris入夜場視察了15分鐘便與夜場老闆楊其龍齊出來受訪，Paris說很喜歡香港：「我第一次嚟，呢度係亞洲嘅購物天堂。我好鍾意做DJ，試過有次打碟有一萬個觀眾捧場。（唔驚颱風影響？）我唔知有颱風，但有網友叫我小心啲，相信唔會影響行程。（今次酬勞高嗎？）我係女強人，自己賺錢，希望會成功。（會唔會再嚟？）我喺全世界有15間Paris Hilton嘅舖，我會喺香港開舖，幾個月後會再嚟。」
受訪後Paris即離場，至昨晚凌晨1時她駕同車折返，換上一條連身裙的她原來連底底都換埋，她影相時不慎被自己的手袋掀起了裙腳再露底。Paris於凌晨1時半開始打碟，場內有五百人，期間她表現極high，又拿手機拍攝。Paris打碟時機器五度故障，她不禁黑面兼三度疑似爆粗。到近3時完場，Paris跟大家道別後便離去，上車時她第三度露底。Paris昨日離港到新加坡，準備到一級方程式賽車派對打碟。
時裝店探路
Paris好友黎曉靈昨接受記者電話訪問時表示，Paris領有國際車牌，她說：「佢喺美國都有部同款紅色法拉利，佢想喺香港開舖，今次帶咗佢去一間時裝店取經。」根據香港法律，遊客如合乎法定駕駛年齡，便可持香港以外地方簽發的有效國際駕駛許可證，於來港12個月內在港駕駛。另外，電台主持關逸基訪問了Paris，她透露會以自己名義開酒店。
文：名人組
攝：追蹤組