Canon女Melanie Z.明年出嫁
Canon女兼混血女模Melanie Z.將於下年六月成為新娘子，下嫁拍拖五年多的英國籍男友，她透露正忙於籌備婚禮，她說：「我會喺美國結婚，因為屋企人喺美國，已經訂咗美國洛杉磯一間酒店舉行婚禮。」
另她更親自設計結婚戒指，有別於傳統，Melanie以藍寶石取代白鑽，至於婚紗方面，她仍煩惱中，她說：「因為我做模特兒，着過好多唔同款式嘅婚紗，所以覺得無乜特別，我考慮搵何國鉦幫我設計婚紗。」至於婚後，Melanie仍會留港工作，她笑言：「男友都係喺香港做嘢，所以婚後依然會喺香港住同做嘢。」