張苡澂食到肚脹唔怕肥
歌星張苡澂（Venus）雖然是為食之人，但亦十分講究，經常相約好友行遍港、九、新界尋美食，她說：「所謂食得是福，我唔會為減肥而節食，而且我覺得食係一種享受，否則人生就無樂趣！」不要看她身形纖瘦，實則因食不停，長年累月下以致體重上升不少，她笑說：「我由2008年嘅90磅到依家有120磅，我咁鍾意食又少做運動，當然減肥失敗。」
最近Venus愛到佐敦的貴花甜品嘗各地美食，難怪她表示感覺像環遊世界：「西班牙、法國、巴西與日本等菜式都有齊，唔需要四處搵食！」當中最愛是火燄海鮮意大利麵、威靈頓牛柳、墨魚慕斯龍魚卷及西班牙海鹽焗魚，她笑言自己眼闊肚窄，乜都會點，但又不想浪費食物，最終食到肚脹都照繼續食，更稱老公與自己同樣愛吃，現在還吃出個大肚腩：「我哋工作已經辛苦，唔食好啲補償下點得？肥唔緊要，最緊要肥得健康。」
