何傲兒提起男友嗌救命

何傲兒與「大細孖」周志文、周志康前晚在天水圍商場與市民歡度中秋佳節，以黑色透視裝上陣的何傲兒被問到與家人食中秋飯時，家姐何傲芝的緋聞男友蕭正楠是否同場？她即尷尬大叫：「唔知呀，見唔到佢，問番家姐啦。（你緋聞男友Wilson同四眼西裝男呢？）救命呀，冇呀，我唔係咁惹火，唔好成日畀啲熱辣辣嘅緋聞我啦。（發展機會？）隨緣，佢哋係朋友，我都唔急拍拖。」