寄語後輩　最緊要過癮

作為首位六合彩主持，問經驗豐富嘅冬叔有乜嘢可以指導後輩，佢話可以生鬼啲就更好：「依家啲主持好公式化，冇乜驚喜。以前我哋將個六合彩攪珠，搞到好似個節目咁去做，大時大節會請嘉賓同布置廠景，我同素芳亦會扮鬼扮馬，令人睇得更投入同開心。其實好似天氣報告咁，如果太公式化會唔好睇，但嗰個黃婉曼加句『跳出香港』，咁就搞到係人都識佢，所以生動啲就可以做得更好。」