張嘉兒有拖拍龔嘉欣寂寞呻慘
去年11月龔嘉欣與鄧健泓（Patrick）分手，有傳因「小三」張嘉兒介入。兩女昨日首度同場，到尖沙咀出席無綫活動「2014 FIFA世界盃節目巡禮」。問她們私下有否聯絡？嘉欣說：「好少，兩、三年前拍《飛虎》有同宣萱一齊燒嘢食。（傾偈有提Patrick？）嘩！唔會啦，都係講做嘢多，心事都係同幾個好姊妹講。」她坦言現在透過經理人與Patrick溝通，但強調再見亦是朋友。
嘉兒亦稱沒跟Patrick聯絡，並自爆有拖拍：「依家發展緊，佢係圈外人，所以唔透露咁多。（中秋人月兩團圓？）希望啦。」單身的嘉欣則大呻要寂寞過中秋：「真慘！我要周圍黐人。（約嘉兒三人行。）唔好，我唔識佢男友。」
同場的陳展鵬主演劇集《巨輪》下周播映，他笑言不擔心與《衝上雲霄Ⅱ》的收視比較：「我都鍾意睇《衝Ⅱ》，嗰套睇靚人靚景，《巨輪》係講內容同戲，好難比較。」