張晉撳住打霆鋒嗌舒服
謝霆鋒日前與受傷後首次開工的張晉拍打戲，霆鋒曾揚言想跟武功高強的張晉「決鬥」，縱使被撳住打亦大呼過癮。雖然拍打戲瞓身演出，但霆鋒對家事則不願多談，貫徹一向低調作風。
霆鋒與張晉日前於錦田為王晶執導賀歲電影《賭城風雲》開工，劇情講述霆鋒被張晉「叉頸」兼撳住打，故事前要戴護墊及試位。一向熱愛武術的霆鋒很早已表明想跟好打之人張晉合作，終於得償所願，兩人奉旨「對戰」。拳腳無眼，問霆鋒擔不擔心受傷？他笑言對張晉很有信心：「唔驚！之前佢同杜汶澤打過，佢打人打得好舒服，因識打自然懂留手，可以互相配合。」
拒提家事
今次霆鋒拍《賭》片與影壇巨星周潤發首度合作，他直言非常開心：「發哥地位超然，佢曾經同章子怡、周杰倫合作，佢哋兩個依家都係三十歲出頭，係事業嘅高峰。如果以中港台嚟計，我依家都算係香港嘅代表。」霆鋒工作素來瞓身搏盡，不過當被問有關前妻張栢芝的問題時，劇組與助手即時阻止，貫徹霆鋒低調作風。
傷後首次拍打戲的張晉坦言眼部遲遲未消腫，令大家擔心他不能上鏡。為免影響拍攝進度，張晉頻做仰臥動作，結果總算勉強消腫，再加上化妝效果，上鏡絕沒問題。
文：影視組