黃百鳴娶新抱 峯語甜蜜取經

黃百鳴兒子黃子桓與出任吳千語經理人的鄭嘉敏昨共諧連理，選擇在洲際酒店筵開40席宴請親朋戚友，布置裝飾以電影為主題，不少圈中人包括甄子丹、任達華、呂良偉、樂易玲、熊黛林、陳加玲、羅明珠等紛紛到賀，場面熱鬧。開席前林峯與吳千語sweet爆攬腰拍拖而至，一眾記者一擁而上拍照及採訪，風頭似乎更勝一對新人，二人未有停步回應記者問題，林峯只邊行邊說：「我份人好簡單，送禮金囉！」

恨抱孫愈多愈好

子桓與老婆接受訪問時，新任老爺黃百鳴全程傍實，更抱孫心切，叮囑二人要努力造人，生得愈多愈好，又趁機賣廣告謂：「我套賀歲片都教人生仔啦！」結束6年愛情長跑修成正果的子桓謂：「拍咗部5分鐘嘅微電影，開席播畀大家睇，今次嘅主角係我哋，相信一生人只得一次。（婚後住邊？）Daddy一早送咗層樓畀我哋啦！」子桓送上3卡鑽戒向老婆求婚，又感激昨午接新娘時，姐妹團沒有諸多留難，一對新人暫未決定往何地度蜜月，而新娘婚後將繼續工作。

黃百鳴夫婦催促兒媳快啲造人。	陳加玲將開拍愛情片。	甄子丹到賀黃百鳴。

吳君如姍姍來遲

久違了的陳加玲與女友人結伴到賀，透露將以製作人身份投資一部愛情片：「今次製作會比較西化，去法國等地取景。（你愛情生活點？）OK，依家生活好開心，由細到大我都冇諗結婚，一紙婚書又唔代表啲乜。」由始至終未有正面回應自己的感情狀況。另外，下午行禮時夏春秋透露晚上會與女兒吳君如齊齊出席婚宴，結果父女倆姍姍來遲，開席後才現身。

文：影視組