滕麗名、黎諾懿、朱慧敏等為劇集《愛．回家》宣傳，滕麗名透露中秋佳節將與男友去旅行度過，曾揚言明年初與男友拉埋天窗的她表示男友已埋首籌備婚禮：「我嚟緊都好忙要開工，淨係攞咗個人出嚟同埋畀咗幾日佢。（男友唔詐型？）佢不知幾開心，有mission（任務）喎！」問到是否有婚前恐懼時，她笑說：「冇喎。（因為咩都唔理？）都係，啲人話計劃結婚嘅過程會嗌到七彩，不過我哋都冇嗌交。」
