周麗淇生日新歡咀到失憶
無綫小生花旦近年買少見少，以致要出動外援救收視，前晚高層梁乃鵬設宴，另起爐灶的謝天華被安排坐主家席，席間獲梁乃鵬專程祝酒，又與老闆陳國強密密斟拉攏合作，周麗淇被問生日時男友是否送吻？開心的說唔記得。
無綫早前成立跨平台總收視率，令不少劇集也能達30點，前晚高層梁乃鵬於電視城設宴，請來《法網狙擊》、《女警愛作戰》、《仁心解碼Ⅱ》劇組、今屆港姐及《星夢傳奇》參選藝人出席，如謝天華、楊怡、徐子珊、周麗淇（Niki）、陳敏之等，老闆陳國強、集團總經理李寶安、高層樂易玲及曾勵珍亦畀面撐場，行政主席梁乃鵬於祝酒時更誇口指無綫永遠做老大！
已約滿無綫的天華被安排坐主家席，與梁乃鵬、陳國強同枱，期間陳國強與天華密斟，看來是斟洽合作大計。而被指與徐正曦蜜運中的Niki，雖然表示雙方還是朋友階段，但呼籲外間給予機會二人相處，問到男方有甚麼吸引力？Niki謂：「好男仔、孝順、有上進心（生日送咩畀你？）唔使講（送佢自己？）冇咁老土（獻吻？）唔記得，總之依家好開心，多謝大家關心。」
楊怡怕水嗌救命
楊怡剛完成新劇趁近日小休醫頸骨刺及腰患，她謂：「朋友叫我游水減壓（叫做過救生員嘅謙謙教你！）香港有咩地方游水唔畀人影到，我驚水，唔想吓吓叫救命。」樂易玲對於無綫「冇人」，直言以家長身份讓他們出外闖實屬好事，更謂：「我哋好殘忍張約要簽好多年，一線都係，大家所謂請外援，好似張兆輝、吳啟華返嚟好似返娘家咁。」
文：影視組