朱璇衰匿埋冇人約
無綫藝人朱璇與許廷鏗昨日出席中秋活動，以藍色性感lace裙騷胸及晒玉背，她指已做足安全措施，並謂：「條裙都好正常啫，未去到好性感。」中秋節將至，她將與李亞男及陳爽慶祝，三女中只有朱璇未有伴侶，她笑言會死黐好姊妹：「有另外一半都要嚟陪我，因為我哋每年都一齊過，除非我都搵到另一半啦，我先會放過佢哋。（離目標差幾多？）仲未開始行。」
朱璇自言少出街，故很少識到男仔，又稱雖然姊妹們有介紹，但自己性格慢熱無收穫，問到是否眼角太高？她說：「唔係，因為我講嘢慢、諗嘢又慢，所以當我啱啱覺得對方唔錯，個男仔就已經走咗。（覺得自己衰乜會冇人約？）衰匿得太埋，我要多啲出嚟。」