拒為是非洗底
參選港姐時是非一籮籮的「友誼小姐」得主歐陽巧瑩，坦言選美過後回復平靜生活反而覺得有空虛感覺，但當然不希望會再有是非纏身，她說：「選完美係輕鬆咗，但係自己鍾意忙，我係工作狂嚟嘅。」歐陽巧瑩也認沒有必要為過去是非「洗底」，觀眾自有定斷，也不介意主攻反派角色，或許能殺出血路。
雖然是非多多，歐陽巧瑩揚言多謝男友默默支持，她說：「我哋關係冇轉好、亦冇轉壞，一路保持現狀，佢好就得我，好識諗，參選時佢都知我辛苦，唔敢打電話搞我，只係簡單一句加油，咁反而仲好，令我維持到穩定嘅情緒。」歐陽巧瑩坦言男友也是工作狂，平日只會每日一訊息保持聯絡。