石天欣為交戲冇底線

無綫藝人石天欣(Tina)身形瘦削,「油浸都唔肥」。雖然現今娛樂圈「咪咪」橫行,但Tina仍堅持以最真一面示人,直言不會露暈博上位:「我上圍得31A,但我從來冇諗過要隆胸或墊pad,因為我希望可以靠實力靠演技,唔係靠賣弄身材。而且年紀大咗,幾好身材都會走樣!雖然女藝人事業線長啲、深啲,曝光率可以高啲,但我相信總有人唔係咁膚淺!」

早前Tina憑劇集《仁心解碼2》而「一姦成名」,她坦言為拍戲可以冇底線:「其實我乜都敢試,雖然我冇咩身材,都可以露背o架!遲啲我喺《巨輪》又有被姦戲,請大家拭目以待啦!」