陳嘉寶肉麻示愛鍾意熟男

23歲的陳嘉寶早前完成學業,正式投身社會,自言長大了的她更開始拍拖談戀愛,她甜笑默認與異性發展中,情場得意,事業上她同樣精彩,做了5年「邦民女」,更走入公仔箱初嘗拍劇滋味。

模特兒陳嘉寶(Anjaylia)因拍攝廣告為人熟悉,當時只得18歲的她憑清純外表,深得宅男歡心,「邦民女」更成為她的象徵,早前更連續第5年為「邦民財務」代言,獲客戶對她如此「長情」,她直言興奮不已,她說:「好少人有呢種機會,合作5年真係好難得,好感謝客戶支持,見證我嘅成長。」

換髮型顯成熟

現年23歲的Anjaylia,已大學畢業,正式投身娛樂圈搵銀,早前更走入公仔箱拍攝無綫新劇,為了騷出成熟一面,她把多年來的長髮及齊蔭剪掉,她說:「依家我覺得是大個女了,除了外觀跟以前不同,自己的思想都轉變,以前冇諗過做全職模特兒和拍劇,但依家發現原來自己鍾意演戲。」

大8年受照顧

自言長大了的Anjaylia愛情路上也經歷轉變,從未拍過拖談戀愛的她,丘比特天使終於降臨,早前她在instagram放上收玫瑰花的相,她承認現時跟一位「好朋友」了解發展中,她甜笑說:「花成日都收,但都要睇吓收得開不開心,依家係跟一位好朋友發展中,大家識了很久,佢係圈外人。」她透露對方比自己年長逾8年,但並不介意,更肉麻表示:「佢嘅性格會補我不足,雖然年齡差距大,但我鍾意成熟的男仔,因為可以照顧到我。」

文:專案組

攝影:司徒國榮

場地:Jamcast