陳豪中秋後至知仔定女

藝人陳豪與岑麗香昨齊齊出席腕錶品牌活動,問陳豪是否已知BB預產期及性別?他守口如瓶謂:「等佢(陳茵媺)返嚟先,快啦。」再三追問下才透露太太中秋後回港。問是否已準備好手錶送BB?他笑言想品牌給折頭,至於男裝定女裝?他即醒目表示:「Good Question !遲啲話你知。」

身穿Tube dress長裙的香香,因現場風大,長裙被吹起,不慎露出內裏底裙。被問到與「大隻仔」溫家偉緋聞時,強調二人是朋友:「大家都係外國返嚟,合作過幾次。(大隻仔係你喜歡類型?)最緊要心地好。神會為我安排好Mr. Right。」