楊千嬅百無禁忌坐紙紮車

楊千嬅昨日與陳志雲出席有關生老病死的活動,由於會場放有一個模擬棺材,志雲瞓入去體驗蓋棺感覺,問到千嬅有否膽量「瞓棺材」?她說:「尋晚(前晚)拍戲都坐紙紮車,我哋做演員百無禁忌,同埋人總有死嘅一日。(有冇立遺囑?)以前唔會諗,覺得未有條件,依家會為個仔計劃,好似買教育基金。」

千嬅透露囝囝丁進諾現時15個月大,對於有不少家長為子女申請入學排通宵?千嬅說:「我哋係上網列印申請表,我相信香港教育制度,我都係喺香港受教育,爸爸亦係教師。」而志雲表示人隨時離開,所以積極過開心生活,問到「瞓棺材」會否不太吉利?他說:「我信耶穌。」