林子善開分店 神秘股東加入

藝人林子善於天后的茶餐廳昨日開張,拍完劇再趕通宵的他表示只簡單梳洗後就出門:「今次有神秘圈中人投資,共投資7位數,(擔心跟朋友夾份做生意會有拗撬?)已傾好可隨時退股,唔擔心大家會吵架!我呢個朋友亦只為興趣而夾份。(另外兩間?)分店收支平衡,花費咗唔少資金研發新app,令落單更順利。」

而到場支持的藝人黃日華則表示無份投資,認為香港租金太貴。至於黃日華愛女黃芷晴(Adrian)近日擔任有線節目《星二代捱世界》任嘉賓,她指自己拍劇時曾因緊張忘詞,被工作人員大罵,回家即喪喊,父親黃日華知悉即火爆揚言要打畀總導演,芷晴即阻止父親。