Ana R.回味求婚似發夢
名模Ana R.日前在Instagram公布男友Brad已成功向她求婚，前晚她出席名媛郭志怡新書發布會，手上戴着藍寶石求婚戒指，她說：「我第一次戴出嚟，係我最鍾意嘅寶石同顏色。」
繼又分享求婚過程，開心透露是在沒有心理準備的情況下，沒有煙花、亦沒有樂隊伴奏，卻已很感動：「當晚喺餐廳食飯，上甜品時，佢突然攬住我，拎出一個盒，同我講『Will you marry me?』。（感動到喊？）打電話同媽咪講時有喊，原來Brad一早同爹哋媽咪講咗，我係最後一個知。（親自設計婚戒？）一切都未定，我仲好似發緊夢咁！」Ana又謂希望在香港搞一個戶外婚禮，但日子未定。
