張兆輝怕凍唔剝陳煒低胸接力
張兆輝早前為新劇操弗身形，卻因怕冷親而未有除衫，前晚於首集已被同場一班後生仔露肌搶鏡。而第二集出場的陳煒則以Deep V接力上陣。
無綫新劇《神鎗狙擊》前晚緊接《衝上雲霄Ⅱ》播出，劇情中段，一班男演員張致恒、王志安（Otto）、溫家偉、翟威廉等齊齊晒肌肉，上演一場半裸沖涼戲份。而該劇主角張兆輝、陳煒、秦煌、監製關永忠等，前晚齊齊相約打邊爐兼欣賞劇集，另一主角徐子珊及謝天華則有其他工作而缺席。
有信心追回收視
陳煒則透露其戲份於昨晚一集才會出現，至於有否性感造型？以Deep V運動裝出場的她謂：「都係健康性感，但個shot就拍得近咗啲。」
《神鎗狙擊》首集收視平均26點，相對於《衝Ⅱ》似乎回落不少，但眾人似乎未感壓力，全晚表現輕鬆，張兆輝表示：「呢個好正常，首集嚟講都叫滿意，之前《衝Ⅱ》一口氣追咁多集，觀眾都要回氣嘅，我有信心（收視）會上番去。（你唔除衫露肌？）我操弗唔係用嚟騷畀人睇，咁啱當時感冒，又好凍，所以最後都加番件衫囉！」他又表示對動作鏡頭效果感到滿意。不過首集其中一幕則是飾演督察的徐子珊追賊，期間賊人拋手榴彈，子珊身體竟絲毫無損，令人嘖嘖稱奇。
文：影視組