Cool魔「彌補」觀眾向Holiday求婚
全城熱捧劇集《衝上雲霄Ⅱ》前晚播映大結局，最高收41點，暫成無綫今年收視最高劇集，而前晚現場觀眾則起哄要求Chilam即場向法拉求婚，其太太袁詠儀更「護夫心切」，稱法拉「唔識貨」，非常搞笑！
《衝上雲霄Ⅱ》前晚播映大結局，平均收視達38點，最高收視41點，成績斐然，暫成今年最高收視劇集。Chilam興奮地在微博留言說：「昨晚的收視……沖上雲霄了！」昨日Chilam接受電話訪問時表示很開心，更指自己「做到嘢」，談到未及60點收視，他即笑謂：「慳番（胸前）『兩點』。」
「變身」超人圓願
前晚一眾觀眾與劇中演員留守到最後一刻，當播到胡杏兒及吳卓義、馬國明及江美儀有情人終成眷屬時，現場觀眾都看得很投入，之後到Cool魔張智霖（Chilam）決定再揸戰機，表示誓要保護地球60億人口時，現場觀眾更激烈歡呼，此幕亦被網民惡搞，將他變成超人，Chilam笑言：「由細到大我都想做Superman，依家圓咗我心願。」
現場觀眾對法拉演的「Holiday」及「Cool魔」未能在結局成為一對而失望，故起哄叫Chilam向法拉求婚，法拉則一臉受落。說到觀眾認為他與Holiday才是絕配，Chilam笑言：「因為今日我喺現場啫！終於完咗，唔使再追（劇），還我自由。」
結局高收41點
「Sam哥」吳鎮宇則於微博留言，指Sam是他生命的過客，讓他再換件衣服再跟大家見面。通訊事務管理局接到4宗關於此劇的投訴，指有不雅劇情及男女主角不相襯，至於無綫則收到4個電話及3個電郵大讚結局十分好看。
Chilam老婆袁詠儀（靚靚）昨晚出席活動時大讚結局好睇，還笑指劇中的法拉「唔識貨」，令Cool魔慘成一支公，但及後又說：「揀老公梗係Sam哥，男友就揀Cool魔。（現實生活你揀咗佢做老公！）戲外佢唔可以咁風流，有個賢妻，（結局收視41點！）開心死佢哋，拍嗰時話辛苦話唔再拍，依家有好成績就唔記得晒！」
文：影視組