梁漢文打本老婆搞美容

梁漢文（圖）昨日出席他的泰拳教練開辦的美容公司開幕活動，他自言平日也有做facial，起初是太太迫，後來自己也覺得有需要做，他又透露太太有意從事美容生意，他說：「今年初太太提議過話想開美容公司，依家做緊資料搜集，開嘅話我會打本畀太太搞。」問到他太太早前患過乳癌，可會怕太太打理生意辛苦？他說：「唔會，佢有興趣就唔會覺得辛苦，而且已經好番晒，唔使太擔心。」另他近期忙於出國語唱片，之後就會出廣東唱片。