官恩娜驚現咖喱雞扒

歌手官恩娜(Ella)同周柏豪昨日出席「香港貿發局香港鐘表展2013」,二人分別將自己的相片放入時間錦囊保存十年,Ella就話希望即使十年後,自己無需要「打嘢」落塊面。

現場見Ella頸側驚現手掌般大的「咖喱雞」,她大呻因為之前搽了暗瘡藥膏,雖然痘痘明顯減少,但卻搞到皮膚敏感,又話:「『乸』到我條頸又紅又痕,如果係『咖喱雞』,要恐龍咁大個口先得呀!」在旁的柏豪抵死地說:「嘩,好大塊咖喱豬扒呀!」樂天的Ella更自嘲自己是「雞扒」而非「豬扒」。Ella又指希望能夠在十年內「走過名勝大地」,她更笑言:「十年內都唔死得住,前排先去完西安睇兵馬俑,我仲有好多名勝未睇過呀!」

柏豪怕禿頭

至於柏豪就話希望十年後仍可以Keep到副「靚偈」,不過最重要當然是保住「男人命根」頭髮,他笑言:「諗諗下寧願冇腹肌,變大肚腩都唔想冇頭髮,好在爸爸同爺爺頭髮好齊全,不過我真係好驚冇頭髮呀。」柏豪又自爆之前整「金黃比比鳥頭」時,已驚覺髮質受損,有感要好好護理頭髮的重要性。

文:音樂組