蔡卓妍怒打杜汶澤

阿Sa與阿澤冰釋前嫌變好友。

杜汶澤（阿澤）與蔡卓妍（阿Sa）日前獲主持人俞詠文（Angela）的邀請，擔任《娛樂onShow》的嘉賓！雖然平日老友鬼鬼，但原來阿Sa多年前曾被飲醉酒的阿澤鬧她「八婆」，因而令二人關係交惡！當Angela問他們何以冰釋前嫌時，阿澤即「無厘頭」地指出關鍵在於阿Sa男友陳偉霆：「好彩有陳偉霆，因為天蠍座係記仇同鹹濕，佢（阿Sa）滿足咗鹹濕方面，咁佢就唔記仇！所以你要佢原諒我，首先要使出陳偉霆！」

Angela聽罷，即靈機一觸說：「陳偉霆都係天蠍座喎！」阿澤即愈講愈High，更大爆二人床事：「你諗吓困住兩個天蠍座嘅喺房，咁就死梗啦，不停叫Room Service，仲落去食嘢咩！」令阿Sa激得當場打阿澤的頭，又尷尬地多次高呼：「救命！」

Angela突然想起陳偉霆都係天蠍座，三人即爆笑起來。

阿Sa大爆經理人Mani其實非常喜歡阿澤。

經理人秘密

提到二人合作電影《超級經理人》，他們即不得不提經理人霍汶希（Mani），而阿Sa更大爆Mani非常喜歡阿澤，她說：「雖然阿澤成日都直呼Mani全名，但Mani都幫佢接咁多工作，就知道佢有幾愛阿澤啦！」而阿澤亦補充說：「唔係直呼佢全名，佢全名係霍汶希，我嗌佢係『喂霍汶希』，係四個字，好似嗌日本人咁！」想知道更多阿澤和阿Sa二人的鬥嘴實錄，請立即Click入《娛樂onShow》去片啦！

文：專案組