朱千雪玩鋼索挑戰膽識
港姐朱千雪（Tracy）自去年當選後即工作不斷，最近她就孖住陳智燊、林德信等型男到各處拍攝節目！Tracy更由乖乖女變身「旅遊達人」，四處遊歷大玩當地特色玩意，其中她更飛往非洲塞舌爾，扮泰山玩鋼索，真是少點膽量也不行！
朱千雪早前成為旅遊達人，夥拍不同型男包括陳智燊、林德信等遊覽世界各地，她說：「一個月去咗四個地方，分別係澳洲、非洲塞舌爾、澳門同日本，好開心！我試咗好多以前唔敢玩嘅嘢，例如喺塞舌爾玩鋼索，即係好似泰山咁拎住條繩飛過去，然後我仲要拎住部機，自己影自己！以前我比較細膽，不過一知道拍嘢就豁咗出去！」雖然Tracy看似經常周圍去，但她原來旅遊經驗甚少，更笑說：「以前我好少去旅行，可能我比較黐家，對旅行提唔起興趣，所以以前除咗去加拿大外，都冇乜去過其他地方！」
林德信啱channel
此外，Tracy亦與林德信（Alex）到澳門拍攝微電影，由於Alex是不少女生的偶像，問Tracy在拍攝時有沒有被對方電暈？Tracy笑稱沒有，不過就大讚跟Alex很投緣：「我同佢都係外國返嚟，同佢一齊可以講英文，佢好nice，又好take care我，所以同佢合作都好舒服！」
擇偶要幽默安全
Tracy笑容燦爛，性格樂觀，相信也吸引不少男生追求，不過她卻表示現時零追求者。對於愛情睇法，單身的Tracy就表示會隨緣，又說：「唔會特別恨拍拖，亦唔會特別抗拒愛情，順其自然，希望可以搵到個有幽默感及安全感嘅另一半！」
攝影：秦健輝
服裝：bread n butter
文：專案組