張兆輝買重保險飛車谷戲

張兆輝、謝天華、徐子珊、岑麗香和陳煒等昨日在觀塘打War Game，為劇集《神鎗狙擊》宣傳。《神鎗》緊接人氣劇《衝上雲霄II》出街，張兆輝對收視相當有信心，認為30點收視沒有問題。演飛虎隊員的張兆輝希望觀眾留意劇中的飛車鏡頭，他說：「因為牽涉到啲車嘅贊助問題，所以飛車鏡頭都焗住要親身上陣，唔可以用替身，冇乜危險嘅，都要我哋覺得OK先拍，無綫都幫我哋買重保險。」

天華開公司接Job

天華受訪時被問到《神鎗》可是他告別無綫之作，身旁的徐子珊笑他說：「乜你息影咩？」天華解釋是約滿前最後一部。一直去向未明的天華昨終於肯透露「情歸可處」，原來他是做老闆開設Laughing Workshop（拉風工作室），與無綫則由「親生仔」關係轉簽部頭合約。

談到有傳謝霆鋒有份投資天華的公司，天華強調是自資開設：「今年會主力為演唱會排舞、練歌，其他嘢2014年先諗，開公司係方便接工作，如果遇到啱嘅經理人都會考慮。咩謝老闆呀？阿四就真，公關、茶水、拖地都係我。」天華笑言其公司若要簽藝人，首選是子珊，子珊卻耍手擰頭說：「你唔好搵我呀﹗」同場的楊愛瑾接劇時以為自己死得，她說：「好耐冇拍劇，當自己係第一次拍劇，今次係做周海媚妹妹，最初以為角色會死，點知唔使死。」

採訪：影視組