Chilam默認簽舊唱片公司
新一代吸金王張智霖昨日出席活動，對於有指他憑「Cool魔」一角穩袋近八千萬酬勞，他笑言冇刻意計算，將所有酬勞給老婆亦冇所謂。提到傳他將以八位數字簽曾傳不和的Neway Star，他稱詳情會稍後公布：「我同薛生（薛嘉麟）向來好好。（明年開演唱會？）一定明年，要籌備諗下點面對觀眾，佢哋先係最大Boss。」
早前Chilam與太太分別對其演出的《衝上雲霄Ⅱ》戲份有怨言，他謂：「我知呢個係團體戲，不過初初Cool魔個角色好開心，點知突然女友被人搶、妹又唔理我，真係好失落，我諗用番觀眾身份去睇好啲。」對於有網民指他最好與吳鎮宇成一對，Chilam謂：「咁咪盞畀人投訴！或者等電影再會Captain Cool。」