蝦餃仔開學遮掩倦容
陳慧琳（Kelly）的大仔劉昇「蝦餃仔」今年升讀幼稚園K2班，昨日才開學的他獲爸媽輪流管接送，不過似乎仍未適應早起返學的生活，放學後依然一臉倦容，就算見到Kelly仍是「唧都唔笑」，但就不斷將其「私家遮」又開又收，非常搞笑。
陳慧琳（Kelly）的大仔劉昇就讀名牌幼稚園，升上K2班的他由紅磡分校遷到九龍塘校舍繼續上學。昨日才開學的蝦餃仔由爸爸劉建浩和工人送返學，星媽Kelly則負責接放學。
轉校勁緊張
由於昨午下着毛毛雨，Kelly特別帶了蝦餃仔的「熊貓私家遮」到幼稚園，雖然蝦餃仔已是第二年開學，但Kelly表示仍會緊張：「因為轉咗嚟九龍塘，佢要由頭適應過新校園，所以我又緊張，佢又緊張。今朝老公同工人帶佢返學，唔知佢有冇扭計呢！」
Kelly又表示為囝囝添置全新開學套裝：「買咗新書、新校服、新書包，乜都新，髮型都係新嘅，其實都係剪短少少啫。」但她笑言囝囝已長大，不敢再自己操刀為他剪髮：「剪得肉酸佢會畀人笑o架！」
畫畫被讚乖
孭住書包的蝦餃仔一手擔遮，一手拖住Kelly步出校園，似乎未瞓醒的他維持天然呆樣，怕被雨淋濕更壓低雨傘遮住自己，好奇地東張西望。做了「Cool蝦」的他對記者問題十問九唔答，連Kelly問他：「話畀姐姐聽好唔好玩？」蝦餃仔依然不聞不應。但醒目地伸手出遮外，覺得冇雨後便自行收遮，但過了幾秒後又對Kelly說：「有啲雨。」便再打開其迷你私家遮，非常搞笑。見他手掌沾滿藍色顏料，Kelly表示：「他今（昨）日學畫畫，老師話佢好乖。」上車前蝦餃仔終揮手說再見，不過依然毫無笑容，看來仍未適應早起返學的生活。
文：音樂組