劉溫馨輸獎贏機會搶閘簽無綫

今屆港姐名次塵埃落定,雖然劉溫馨最終只得「梗頸四」,不過憑住雄厚演藝背景,無綫即有意收歸旗下,就連無綫高層樂易玲亦點名大讚是可造之材,難怪劉溫馨落選都笑晒講「遲啲可能同大家再見」﹗

現年22歲的劉溫馨畢業於中央戲劇學院表演系,拍過廣告、微電影及參加過選美等等,雖然今次在港姐選舉中只得「梗頸四」,不過反而造就了更多演出機會,據悉無綫早已視劉溫馨為囊中物,簽為合約藝員,於本周四便會約齊監製開內部會議,磋商劉溫馨適合的工作。

樂易玲點名大讚

記者就此事致電樂易玲,她亦忍不住點名大讚:「今屆港姐嘅面孔都好受家庭觀眾接受,尤其劉溫馨,佢係做藝員嘅材料,(周四會開會?)冇錯,除咗有名次嘅會簽約之外,落選嘅佳麗都會再面試甄選。」

而前晚劉溫馨完騷後接受訪問,強調沒有失望亦沒後悔,問到可有不服氣?她大方說:「覺得我有進步空間,佢哋三個應該表現好好。」劉溫馨稱有意讀Master或做演員,隨即再笑笑口指稍後可能再同大家見面。約凌晨一時,劉溫馨就隨大會車返回黃埔,不過架起墨鏡的她似乎蕩失路,多次行錯才找到正確位置,相信該住址並非其家,而會合在大堂等候的親友後便立即入升降機背對記者上樓。

陳凱琳親友候駕

至於冠軍陳凱琳、亞軍蔡思貝、季軍劉佩玥以及友誼小姐歐陽巧瑩,約凌晨二時許完成拍攝官方雜誌後,大會便兵分兩路送各人回家。身為大贏家的陳凱琳甫下車已獲父親站於九龍塘獨立屋的門外等候,之後一開門便有十數親朋好友鼓掌大叫恭喜。

亞軍蔡思貝父親以親民街坊裝於杏花村住所等候,兩人十指緊扣回家非常溫馨。相反另外同車的季軍劉佩玥及「友誼小姐」歐陽巧瑩就未有家人迎接,只好獨自拖着疲倦身軀回家。

文:影視組

攝:追蹤組