江美儀激勵中女追o靚仔

在《衝上雲霄II》中與馬國明大搞姊弟戀的江美儀昨日現身活動，提起她在劇中咀戲連場，問到男友有否詐型？她笑言：「佢睇晒喇，佢仲讚ok喎。（連續播幾日有冇睇到眼冤？）其實唔係連續拍，係剪接上嘅效果。」江美儀表示最開心是戲中的姊弟戀由負評變到有人讚，她坦言：「之前有唔開心，唔明點解未睇就鬧。（係咪因為對手係馬國明嘅關係？）可能係，佢係筍盤，應該襯番年輕貌美嘅女仔。今次算係成功，開頭大家覺得姊弟戀係核突嘅事，但我哋演得好sweet。」