吳卓羲戲重唔認淪配角
藝人郭晉安、吳卓羲（Ron）及田蕊妮（阿田）等人，昨日出席無綫新劇《忠奸人》開鏡拜神儀式，雖然早前有吳卓羲粉絲不滿偶像排名次於安仔及阿田之後，更指阿Ron慘淪配角。但現場所見眾演員並沒有受「排名風波」影響，相處融洽。切燒豬時安仔及阿Ron更站在中間主角位置，足見二人平起平坐。提及到「排名風波」，安仔及阿Ron一笑置之，安仔更幽默表示自己才是配角：「阿Ron好辛苦，成部劇所有支線都關佢事，其實個個都係主角。（排名Ron低過你。）計年齡咋嘛？如果咁樣應該係商天娥最後生囉！」
而阿Ron直指自己戲份重，呼籲粉絲不要太過緊張：「呢啲嘢都無分排名，我喺劇入面由頭帶到落尾，我都拍咗幾日通宵戲，粉絲都唔知。」阿Ron又直認因買新屋關係，故與安仔齊齊買傢俬，問到是否貴為「筍盤」：「做筍盤好易傳緋聞，留番畀馬國明啦！（佢咀江美儀呀。）我之前喺《名媛望族》已經咀咗江美儀，點計佢都後過我！」
阿田與安仔接吻
另同樣捲入「排名風波」的田蕊妮笑言：「計筆劃咋？」而阿田表示會與安仔有接吻戲，但相反與阿Ron則沒有，問到她會否要求監製「加碼」，她笑謂：「我平時鏡頭後及布景板後面，都有咀佢o架啦！」
文：專案組