周志文奉旨輕薄苟芸慧

巨聲幫大孖周志文在劇集《情逆三世緣》中有不少發揮機會,在一段古代戲中演奸角,他直言是很大挑戰:「開頭我係斬柴嘅,之後發現係皇帝嘅私生子,入宮後做好多壞事,例如垂涎苟芸慧美色,經常佔佢便宜,仲有一場借醉行兇戲。」他說年前胞弟周志康曾跟苟姑娘演一對,大家認識已久,所以拍親密戲沒尷尬。

提到與主角歐陽震華(Bobby)合作,志文直言興奮莫名:「佢係我偶像,今次有對手戲,算係圓咗我其中一個心願,現場Bobby成日令同事好輕鬆,合作非常愉快。」