(16)徐韶蓓被爆雜食激動反擊
十位準港姐昨日被安排與五位評判，包括林峯及鍾嘉欣見面，想不到繼續有暱名爆料贈興，(1)張敬仁被指讀中學期間，經常與同性好友吵架，又指她發動「女觀音兵」為自己拉票，當事人聞言斷言否認︰「我唔知講緊邊個（同性好友），我依家鍾意男仔。對上一次返學校已經係5年前，冇特別話畀人聽自己選港姐，只係聽聞啲師妹好支持我。」
自爆曾經拍拖5次
至於對(16)徐韶蓓的「指控」更加嚴重，爆料者力證她12、13歲時身邊已不乏男友，並曾於車展當模特兒，更試過染有不良習慣，當事人回應時表現有點激動，極力否認相關「指控」﹕「我係做過模特兒，但唔會性感嘅，所以冇做過車展。我拍過5次拖，但唔會亂搞關係。（依家仲係處女？）拍拖唔一定有關係嘅。」另外，大熱(17)陳凱琳亦被指假面人，於佳麗群中不受歡迎，又不時向贊助商及無綫高層示好。
鍾嘉欣走光有準備
而15號蔡思貝進級後自信大增，不諱言有信心坐上冠軍寶座，又主動向林峯介紹自己時，提及自己被指似「千語BB」，林峯事後笑謂︰「佢好幽默，不過我覺得唔係咁似，佢（吳千語）係獨一無二嘅。」昨日乃(12)梁家欣22歲生日，她希望總決賽當日一切順利。另外，大會安排影大合照時，坐在前排的鍾嘉欣惹走光疑雲，但她解釋自己有打底。
文：影視組