娜姐當Avis手袋 唔啱即轉款

周秀娜昨日穿上粉紅色tube dress，到位於屯門的V city擔任「米蘭站」剪綵嘉賓，並獲店舖送上名貴手袋，令娜姐心花怒放。提到上圍縮水，娜姐透露最近在北京拍戲，天氣炎熱又沒冷氣，令她出汗兼收水。

等朋友介紹筍盤

提到舊愛陳偉成與尹蓁晞（Yumi）拍拖，娜姐即用力踏地表示大家都關心她，朋友及同事紛紛通知她，但因在北京而沒看過二人合照。娜姐又謂沒印象見過Yumi：「冇特別去睇，分咗手，已經過去，冇需要睇，冇感覺，冇反應。（襯唔襯？）唔識答。（睇好佢哋？）睇好自己啲袋。（有冇嘢提點Yumi？）我提點朋友介紹男仔畀我識。」她表示沒有忠告，沒有感覺，與Avis已各自生活，其他事不會出聲。

店舖高層送上名貴手袋給娜姐。

娜姐昨日在V city現身時有多人護駕。

提到早前透過經理人回應以曱甴生蛋暗寸舊愛不停溝女，娜姐澄清是經理人講，又說驚小昆蟲。她續說會以手袋比喻Avis：「年年有新款。（唔愛就換？）係，之前男朋友送嘅袋會拎去放，加錢換新，冇得留戀，一定唔會再用。（人哋買你舊袋？）我尋求新款，朋友叫我食飯，話有新款到。」她直言有「新袋」會拎出街見人。

讚陳靜儀好媽咪

提到是否慶幸與舊愛和平分手，好過像陳靜儀（Mia）與前夫對罵？娜姐表示對別人家事不清楚，但與Mia做了幾年同事，並讚Mia是一位好勤力照顧小朋友的媽咪。

文：名人組