「剛晶B」昨日出世，堪虞學家陳子才表示「剛晶B」命格屬「交互貴人」，屬貴格的一種：「好少人有呢種命格，係非常難得，之前成吉思汗先有呢種命格，代表佢一生生活水平高，特別容易有名氣。而交互貴人意思係本身佢係一個貴人，有好多有能力嘅人幫佢，令佢做每樣嘢都好順利。」
陳子才又補充「剛晶B」一出世就已經行運，更行運行到67歲：「佢0-27歲就行財運，27-67歲就會行個人運，佢第時做生意會比較大，但應該會白手興家。（旺父母？）佢同父母關係會好好，而且特別會旺爸爸嘅財運。」
問到晶晶會否繼續為霍家開枝散葉？子才說：「睇到BB嘅兄弟宮，有兩粒女星，同一粒男星，保守估計佢應該有個妹同細佬。」