霍啟剛今年榮升「香港青年聯會」（青聯）主席，青聯副主席楊鼎立及副秘書長鄭詩韻均戥佢高興，楊鼎立透露昨日收到消息郭晶晶誕下兒子：「真係恭喜佢，戥佢開心，佢要預備做老竇又要搞青聯，好大壓力，青聯9月4日仲有個大型就職晚會，我哋做兄弟，盡力幫忙。」而鄭詩韻被問到會否送禮，她說：「未買禮物，依家知佢生咗，會準備。（有冇問定你湊仔經？）平時我哋一班人出嚟食飯，好多都已為人父，話題多數係湊仔，有時講起學校嘅嘢，佢都會反問『依家湊小朋友都好多嘢煩』。」