Kelly慈母上身安慰BB

陳慧琳（Kelly）前晚為嘉欣BB的尾場演唱會擔任表演嘉賓，嘉欣見「偶像」出場即喊成花面貓，要Kelly化身慈母安慰：「傻豬！我都冇做乜嘢，我只係每部分都畀滿分你，媽媽錫番，BB唔好喊。」原來2004年嘉欣參選華裔小姐時，Kelly是當屆評判之一。Kelly憶述：「嗰時記者問我有咩心水，我望一望就話12號鍾嘉欣笑容甜美，我每一部分都畀一百分佢，記得嗰晚佢好多個呼拉圈由頭玩到落腳。」在旁的嘉欣笑稱保存當日的報紙至今，兩人隨即手拖手合唱《誰願放手》。