周紋希「未婚懷孕」教精年輕人
新人周紋希（Aka）去年與趙碩之合作舞台劇《風之后》，惟當時不幸扭傷腳被迫辭演，但這無減她對演戲及唱歌的興趣，誓要雙線發展。現年24歲的Aka喜歡參與電影創作，早前她編寫一個關於未婚媽媽的故事，更獲垂青拍成微電影《童話》，Aka處女下海擔任女主角：「我會演一個未婚媽媽，戲入面我年少輕狂，做咗好多狂妄嘅事，仲畀人搞大個肚，故事係想帶啲訊息畀年輕人，令佢哋知道好多事會影響一生。」
雖然《童話》片長約25分鐘，但團隊製作十分認真，近兩個月不停開會傾劇本，問到現實中有否想過會未婚懷孕？她說：「呢件事一定唔會發生喺我身上，我呢方面比較清醒同理智，做人亦算係有目標同理想，所以唔會行差踏錯，何況我依家冇拍拖，我覺得啱啱入行要做到一定成績先諗愛情，唔好浪費時間。」
Profile：
姓名：周紋希（Aka）
暱稱：靈異少女
出生日期：1989年7月2日
入行經過：去年簽約唱片公司成為歌手，在電台曾擔任嘉賓主持人，亦有份演出舞台劇《風之后》，惜最後因腳傷辭演。
化妝：MollyLo＠Molly Lo Make Up
場地：I Darts Cos Mos