Kary談分手 暗示撇阿樂
吳雨霏（Kary）跟余文樂相戀半年就「閃分」，Kary昨晚在無綫「東張西望」節目中首度開腔回應與阿樂分手一事，她坦承與阿樂曾經深愛過對方，兩人也盡力嘗試過，但Kary始終沒有交代兩人真正分手原因，她透露分手後心情OK，這段日子忙於錄音算是寄託，也分散了注意力，她更直認將自己經歷的情感透過歌曲唱出來。
撐前度護戀情
Kary強調與阿樂從未嗌交，依家是好朋友關係，她說：「仲有聯絡，大家互相關心。」她又澄清分手並非阿樂對她不好，亦非阿樂有第三者，她指阿樂近年成熟了很多，她說：「外間成日話佢溝女，其實佢係一個好想結婚、想有自己家庭的男人，佢比較傳統，鍾意人去買菜煮飯、照顧佢，但我係事業型，鍾意不停做嘢。」似有弦外之音，是她先撇阿樂，她又指阿樂好珍惜這段感情，曾主動帶她去見家人及朋友，她說：「郭富城、張智霖佢哋都對我好好。」
談復合笑笑口
阿樂昨晚帶領球隊以91比70擊敗對手打入決賽，阿樂個人取得5分，完場前見他用冰敷手臂，因為打波時不慎拉傷，他坦言對自己表現不滿意。談到舊愛Kary，阿樂說：「唔答，唔會再講私人嘢，講咗唔講就唔講，唔再交代私生活。」對Kary憑歌寄意想復合，阿樂笑笑口：「大家唔好咁大幻想力。」他又否認周柏豪被傳因溝隊友妹妹而與他反面，他指是炒作新聞。
文：音樂組