潘美辰紅館晒肌 向女友示愛
為《世紀情歌世紀情巨星演唱會》打頭陣的潘美辰昨晚不但在個唱上晒腹肌，更在紅館萬多名觀眾前向緋聞密友Joanna Moon當眾示愛！邀請「女友」上台後又曲線讚對方靚女、好身材和唱歌好聽，更與「女友」在台上合唱兩首歌，誓將「戀情」放上枱！
由多位歌壇前輩聯手、一連兩晚在紅館舉行的《世紀情歌世紀情巨星演唱會》昨晚開鑼，歐陽菲菲、甄妮、潘美辰、潘越雲、周治平、黃安、萬芳、羅時豐和林淑容，九位情歌天王天后一同唱出三十多首70、80年代的經典情歌。
除了歐陽菲菲和甄妮外，其餘七位歌手甫開場便升上台中央，向四面觀眾唱出《明天會更好》，瞬間將時光倒流到80年代。久未開騷的眾人盛裝打扮，更出動私伙歌衫上陣，當中以林淑容最為性感，粉紅色的低胸背心裙露出5吋深長事業線，搶鏡成功！黃安則自嘲說：「大家好，我哋係前著名歌手！」
而染了一頭藍髮的潘美辰就率先獨唱30分鐘，又以唔鹹唔淡的廣東話唱出羅文的《壞情人》，其後忽然請坐在台下的Joanna上台，有備而來的Joanna穿上貼身白色連身長裙，後面大露背之餘更將透視部分延伸至大腿！
公開親密關係
潘美辰又當眾向「女友」示愛：「呢個就係傳言中同我有親密關係嘅人，我好愛佢！愛佢唔係因為佢嘅美貌、身材，或者因為佢係女性，而係佢嘅聲音，大家聽完都會好似我咁愛上佢！」被狂讚的Joanna冧爆獨唱一首英文歌，此時潘美辰就換上黑色皮褸再度出場，入面只以白色運動型背心打底，更隱約露出結實腹肌！其後Joanna戴上金色假髮與「愛人」合唱張國榮的《側面》和米高積遜的《BAD》，相當癡纏！
文：音樂組