(17)陳凱琳拋英文搶鏡
20位準香港小姐昨日到銅鑼灣「莎莎專門店」競逐「最具健康美態獎」和「最佳星級化妝師獎」，獲得「健康美態獎」的(5)朱智賢自覺身形平均，一直沒有是非傳出的她即寸爆「是非佳麗」：「冇是非好好，因為是非畀人印象唔好。（擔心少新聞會輸蝕？）我個人寧願選擇冇noise，好過有負面新聞。」
而「大熱門」(17)陳凱琳玩遊戲時就大講英文搶鏡，她其後笑笑口否認：「只係想同之前有啲唔同。」對於快要準決賽，她表示緊張：「都要練吓口才，自己講嘢唔叻。（怕大熱倒灶？）大熱係其他人畀我，自己唔會諗。」另外，亦是大熱之一的(15)蔡思貝就有份奪得「最佳星級化妝師獎」，她自言對自己的素顏甚有信心，談到準決賽，她說：「一定會有少少緊張，之前出活動緊張甩嘴，不過依家心理狀態已經好好多。」談到她是大熱但一直沒有突出的表現，問她是否怕被foul時，她表示：「擔心都冇用，做好自己就OK。」
