陳秀雯做Bobby師妹 減磅攻港劇
藝人陳秀雯小休四年劇癮發，最近與老拍檔歐陽震華（Bobby）成為同門師兄妹，簽同一經理人Lydia，希望在香港再出擊拍劇，與觀眾見面，而搞笑的Bobby竟笑說同門個個都年紀大，除他與秀雯外再加宣萱，可以組成「耆英娛樂有限公司」。
藝人陳秀雯自從在2009年演出鄧特希監製的《法網群英》後鮮有幕前出現，過去兩、三年只是以進修充實人生，而她的獨子已成年並投身社會工作，不用這個媽媽擔心，秀雯亦開始為自己打算。一直愛演戲的她，笑稱自己未到退休年齡，在一次偶然情況下與經理人Lydia傾復出工作之事，兩人一拍即合，秀雯希望新公司可助她重新在娛樂圈發展。秀雯難得與老友Bobby同門，對方早前生日，她當然到賀，席上除有Bobby夫婦外更有宣萱，「一家人」慶生別具意義。秀雯坦言見番Bobby分外有親切感：「我個仔都出嚟做嘢，唔使我理，我又好耐冇喺香港拍劇，都好想同觀眾見面，不過先要減肥，壓力都大o架！」
耆英娛樂組合
而十多年冇見秀雯的Bobby亦很雀躍，搞笑稱他和秀雯、宣萱可以組「耆英娛樂有限公司」：「生日會上見番佢好開心，簡直風采依然，估唔到兜兜轉轉做咗同門師兄妹，日後就多機會合作，多個拍檔嘛…好難搵o架！我講佢呀（指秀雯）！我就話配o靚妹都得，但女藝員難配，我咪可以做佢拍檔囉！（秀雯話減肥有壓力？）配我就肥、瘦都冇問題啦！」
文：影視組