何佩瑜做鄰居 陪DaDa游水

o靚模何佩瑜（Jeana）昨日被《好報》踢爆，已搬離與張栢芝胞弟張柏文昔日同居愛巢，昨日Jeana終親口承認今個月協議分手，她說：「今年自己個心態好沉澱，我同柏文之間真係冇第三者，只係大家要嘅嘢唔同，可以話係因了解而分開。」現已遷到奧海城獨居的Jeana，與近日宣布退出幕前的好姊妹陳靜（DaDa）為鄰。談到對方退出？她表示支持：「我哋先24歲，人生仲有三分二嘅路要行，梗係要揀條自己舒服嘅路啦，（但佢畀人話冇責任心喎？）佢又唔係殺人放火，佢嘅新聞愈嚟愈誇張，我做朋友嘅只係確保佢安全，有時間就一齊做吓運動游吓水，增加正能量！」