周志文兄弟班搞密室遊戲
孖仔周志文、周志康，與同樣巨聲幫出身的劉威煌，合作創辦密室闖關遊戲，三人由幕前轉做幕後主腦，落手落腳兼任場地監工及模型技工等，熱血程度絕對爆燈！
近期憑劇集《衝上雲霄Ⅱ》彈出的周志文，與周志康、劉威煌及多位圈外好友，齊齊創辦香港第一個密室闖關遊戲，不過卻謝絕以名氣作招徠，周志文直言眾人要轉到「幕後」做主腦，他說：「由頭到尾都想以遊戲出發，希望大家係因為個遊戲吸引，而唔係鍾意個artist，想大家嚟真正挑戰自己。」
劉威煌甘做苦工
三子力求完美，不惜又擔又抬做苦力，由design、場地監工、模型製作等，都有份參與，劉威煌說：「我哋希望做一個屬於自己嘅game，無論音樂、場地設計、拍片等等，都係我哋全部人喺兩個月內努力完成。」而細孖周志康更自爆通頂完成模型製作，他說：「呢度已經係我哋嘅『精神時間房』，有次我第二日要開早，講到明留半個鐘就走，最後都留咗兩個鐘，最重要係自己好enjoy！」
攝：秦健輝
服裝：Mijosu@利時
文：專案組