姚子羚怕搞婚禮旅行出嫁

無綫小花姚子羚（Elaine），外表予人柔弱之感，不過她卻笑言大家不要被她的外表欺騙：「其實我份人好男仔頭， 好似我之前喺《好心作怪》飾演嘅葉詠恩其實就好似我本身嘅性格咁直咁倔強！只係我未去到好似佢咁大膽，可以夠膽向心儀嘅男士表白！」

入行10年以來，Elaine一直把感情事低調處理，故緋聞一直輯寥寥可數，早前Elaine被拍得獲圈外男士擔任「柴可夫」，今次她卻大膽直言：「影到咪影到囉，咁我都要拍拖o架嘛，我都要出街嘅，我都要趕上身邊嘅姊妹，因為佢哋好多都已經結晒婚，生埋仔。（對方係你男友？）大家了解中，我只可以講現時仲未出現我嘅老公！」

姚子羚指《好心作怪》內的葉詠恩與自己性格相似，在劇中與王浩信有對手戲。

姚子羚表示自己雖然外表柔弱，但其實相當男仔頭。

做姊妹麻木晒

Elaine早已踏入適婚年齡，問到何時有結婚的打算？她笑言自己患上婚禮恐懼症，有計劃旅行「秘」婚：「身邊好多朋友都結晒婚，依家我已經做咗超過十次『姊妹』，幫人搞婚禮都搞到麻木晒，由當初見人哋喺婚宴好sweet好羨慕，到依家我見到都怕怕，因為由朝早接新娘，到婚宴後嘅after party真係忙足成日，慘過拍劇！如果我將來結婚，寧願喺外國旅行結婚，返到嚟先同大家宣布喜訊，哈哈！」

採訪：李佩珊

攝影：司徒國榮

服裝：Daily Dolly

場地：VI COOL

化妝：Sammy Lam @ Zeal.image

髮型：Taylor Wan @ Hair corner