鍾浠文貪靚遲到激嬲男友
模特兒鍾浠文（Zelia）及何思諺（Leanne）日前拍攝髮品廣告，貪靚的Zelia透露每日出街要花兩小時整頭及化妝，曾因整頭遲到遭男友投訴，而身為人母兼染了一頭紅髮的Leanne坦言擔心新造型嚇怕囝囝。
「翻版徐子淇」鍾浠文（Zelia）日前與模特兒何思諺（Leanne）為髮型新產品拍攝硬照廣告，擁有一把柔順長髮的Zelia坦言試過因整頭搞到遲到，令圈外男友有所微言，她說：「拗撬好難避免，自己真係用好多時間襯衫、化妝同整頭，所以依家出門口前，都會預早兩至三個鐘起身。」
落街唔敢再hea
Zelia自爆試過一身hea look落街醫肚，竟遇上多位粉絲要求合照，她說：「諗住落街食完嘢就返屋企，點知撞到幾個fans，雖然當時冇化妝同整頭，但又唔可以拒絕佢哋。」貪靚的Zelia坦言自此不敢再以「hea look」示人，她說：「唔想最hea一面同fans合照，往往係自己冇化妝嘅時候先撞到fans。」
與老公耍花槍
至於Leanne對於早前被拍到與樂隊Mr.成員老公Tom當街鬧交一事，解釋說：「唔係真鬧，當時耍吓花槍，話我哋分開走，其實佢要返Band房教鼓，我就返媽咪屋企食飯，我哋感情好好。」為廣告特別染上紅髮的Leanne表示榮升母親後首次染髮，她說：「都驚仔仔唔認得自己，因為由佗佢到依家都未染過髮。」
文：音樂組