JJ嫌錢腥推劇 為見樊少皇
賈曉晨（JJ）入行以來不乏追求者，就算之前有男友，不少「觀音兵」都冇有怕照追求。但估不到自從JJ與「力王」樊少皇拍拖後，狂蜂浪蝶即時失蹤，明顯怕了「力王」！JJ亦樂得清靜，專心拍拖與工作。原本JJ有機會接拍兩套內地劇，但她寧願接拍較少酬金的一部，為的是與樊少皇一齊拍劇，見多幾面。
樣貌標致兼身材惹火的JJ一直不乏追求者，但自從去年她與樊少皇相戀後，完全冇仔敢埋身。JJ笑言：「真係好得意，之前我拍拖都會有人乜都唔理繼續追我，但自從我同佢（樊少皇）拍拖之後，真係少咗好多追求者，可能佢哋真係驚咗佢。（樊少皇係咪醋王？）佢最想我乜嘢都唔好做，最好留喺屋企煮飯，咁就最安全。但我唔得，我覺得女性係需要工作，就算結婚都唔會退出，結婚生仔同事業可以並存，只要處理得好就可以。」
取消長假
JJ自約滿陳百祥旗下經理人公司之後，原本打算放一個長假期才工作，但早前有兩部很不俗的內地劇斟JJ，故她決定縮短假期去工作。她謂：「同時間有兩套劇搵我，一套係同樊少皇合作，另一套係我最鍾意嘅古裝劇，仲要片酬較高。但最後我決定揀同佢一齊拍劇，因為呢個機會好難得。套劇雖然唔係古裝，但個角色都好特別，係演一個好硬淨嘅女人，我都好鍾意。」
文：影視組
場地：Hooray Bar & Restaurant
服裝：NOEL CHU wedding gallery
化妝、髮型：Heidi