司馬燕囝囝蒲天光

抗癌成功的司馬燕與老公補辦婚禮，於希臘度蜜月回港。前晚與丈夫及兩位兒子現身首映，司馬燕看來精神很好，坦言體重已逐漸增加：「依家體重升到80磅左右，朋友都話我飽滿咗長番啲肉，自己都覺得精神咗。」
司馬燕與老公十指緊扣，甜蜜現身。
司馬燕與老公十指緊扣，甜蜜現身。

另司馬燕表示旅程難忘，美中不足是水溫太冷未有落水及不可曬太陽，她說：「依家仲未食得雪糕、奶類食品，嚟緊醫生話要轉化療藥，會開始另一個療程，不過冇乜問題。」司馬燕大仔吳澋滔前晚帶同一位女伴到場，陪伴媽咪訪問的吳澋滔被問到是否女朋友？他說：「唔係。」司馬燕則踢爆說：「佢喺遊輪上識到好多新朋友，有朝仲玩到六點先返房。」

大仔吳澋滔攜女伴到場。
  • 大仔吳澋滔攜女伴到場。